اورمونون آزه ربايجانيميزا اتحاف اتميش شخصيت لردن دانيشماق اوچون اورمودان گلن ايشيقلار آدينين آلتيندا بير نچه نفري موختصر اولاراق تانيتمايا چاليشميشيق ، بو سفر بير ديگر بويوگوموزي تانيتماق ايستيرم.ميرز ه (ميرزا) آلي(علي) مرحوم كبلايي علي النقي نين اوغلو 1286 هجري قمري ايلينده اورمو نون عسگر آباد كندينده آنادان اولدو. ميرزه آلي اورمودا ابتيدايي درسلري آلديقدان سونرا نجفه گديب و ايجتهاد درجه سينه ارديكدن سونرا اورمويا مراجيعت ائدير. مرحوم عسگر آبادي مجلس شوراي ميللينين اورمو ميلت وكيلي اولاراق سچيليب و تهرانا گتمك ايستر لاكين مه حه مد عليشاه اوردوسو و مشروطه چيلرين ساواشلارينين اوزوندن تهرانا وارمادان ، دونوب و ايستانبولا گئدير. بيرينجي دونيا ساواشيندا اورمودا جيلولوق فاجيعه سي باش ورير . اهالي مرحوم عسگر آباديا اولايلاري يتيشديريب و عسگر آبادي ايستانبول مسچيدلرينده آتشين نوطوقلار ائدير. بو چيخيشلار اتحاد اسلام اوردوسونون ياراديلماسينا سبب اولور و عثمانلي اوردوسو اوشنويه حدودوندان ايرانا گچيب و آسوري – ارمني اتفاقي دارماداغين ائدير. اورمو ، سالماس ، خوي و سولدوز راحات نفس چكير.مرحوم عسگر آبادي بو اولايلاردان سونرا اورمويا گليرو بوغدا ميدانينداكي بازارباش مسچيدينده خالقين ايرشادينا مشغول اولور . بو ديرلي عاليم 1276نجي ايلده وفات ائدير. مرحوم عسگر آبادينين آدي اورمو شهرينين امام(پهلوي) خياوانيندان ، باكري(فرح) خياوانين بير بيرينه قووش دوران خياوانا وريلميشدي . تاسوفله ، اينقلابدان سونرا نامعلوم سببلردن اوتوري بو خياوانين آدي بعثت آدينا چويريلميشدير
http://urmulutaymaz.blogspot.com/2010/10/blog-post_06.html
No comments:
Post a Comment