بیر داملا گؤز یاشین ،خلت ائیلیین
سیز الله سو-سوزدو ، اورمو گؤلونه
او قدر سو-سوزدو ، قلبی یانیری
بیر اویوج سو تؤکون ، اورمو گؤلونه
بو گؤلون آغری‌سی ، دونیا بویونجا
یئر-گؤی اونودوبدو اونو دویونجا
قانیمیز قوروسون ! گؤل قورویونجا
گلین بیز سو تؤکک ، اورمو گؤلونه
آغلایاق هدیه ائدک گؤز یاش‌لارینی
بلکه جان وئرک بیز ، اورمو گؤلونه
اوریین یانماییر ! آغلییا بیلمیرسن !
قان وئرک داماردان ، اورمو گؤلونه
بو گؤلون قازلاری هایانا گئتدی ؟
یام یاشیل یازلاری هایانا گئتدی ؟
کئیفی‌نین سازلاری هایانا گئتدی ؟
سو وئرک سازلانسین اورمو گؤلونه
بیگانه باخا‌جاق ، اؤگئی بو گؤله
یانماسا دوغما اؤزو ، اورمو گؤلونه
هارداسان سن ائی ، گؤلون صاحبی ؟
بیگانه خور باخار اورمو گؤلونه
گلین آغلارکن ، بیز هدیه ائدک
بو قان‌لی گؤز یاشین ، اورمو گؤلونه
تحقیر بسدی ، گلین گلین آماندی
خار اولماق ایستمه ، اورمو گؤلونه
بیلمدیم هانسی اللر ! چای‌لاری کسدی
گوناه بس نه یمیش ، اورمو گؤلونه
بولاق‌لار گورودو ، نه بره بسدی ؟
میناس داغی آغلار ، اورمو گؤلونه
بو شاه رئژیمی‌نین ، شاه پیلانیدی
باغلاسین یول‌لاری ، اورمو گؤلونه
بیر جاللاد رئژیمین ، کوبرا ایلانیدی
زهرین جالاسین ، اورمو گؤلونه
یئزید ایمام‌لاری ، سو-سوز اؤلدوردو
باخین سو-سوز اؤلور ، اورمو گؤلونه
اگر موسلمان‌سیز ؟ روا گؤرمیین
بیر ایچیم سو وئرین ، اورمو گؤلونه
قایناق: اویرنجی سایتی
No comments:
Post a Comment