اورمو گؤلو افسانه سی ــ ائلبیر قوشاچایلی

تاریخین دانیلمیش کیتاب­لاریندا

نه یالقیز یازیلیب

عونوانین سنین!

کیمسه­ سیز دوشموسن بیر قریب ائلده،

ساغالماز کدریم غمیم اولموسان

هر یانین دولودور تانیش یادلارا،

سوسوزدان قورویوب دیله گلمیسن

هارایین اوجالیر گؤیون دوزونه

سسینه سس وئره ­ن گؤزه گؤرونمور

ویجدان­سیز اینام­سیز ائلین ایچینده،

نه تئز گؤز یوموب افسانه اولدون!؟

سینه­ نده اوینایان قیزیل بؤجک­لر،

اؤلدولر سوسوزدان سس­سیز سمیر­سیز!

آه چکیب آغلادین اؤز احوالینا

گؤزونون یاشینی سیله­ ن اولمادی

نه چکدین...؟ کیمسه­ ده بیله­ ن اولمادی

هر یئتن ایری­سین سنده دوزلتدی!

باغرینی دلدیلر کؤرپو سالدیلار

اوزونه قان­ ایله اؤلوم یازدیلار!

***

توپراغیم اوزو کسه

گؤی قاشی سان­ سن

ووقارین شوکتین توکنن دئییل

«دوز-چؤرک اینامین» دوزوندان آلدیق

شور دوزون قولومدا قان اولوب ایندی!!!

عیبی یوخ دالغاسیز بیتسه­ ده عمرون...

داییما ایچیمده دالغالانیرسان!

«چامیرلار» ائلیندن سن یادیگارسان

قویمارام فیکرینه قوروماق گله

هارایین ائشیدیب گله­ ن اولماسا

دردینی غمینی بیله­ ن اولماسا...

او قدر آغلاییب، سیزیلدارام کی

گؤزومون یاشلاری ایرماغا دؤنسون

آخیبان کؤنلومه سنی دویورسون!!!

امیر کبیر بیلی یوردونون تورک اویرنجی لری